Հարավային Կորեայի, Ճապոնիայի և Չինաստանի արտաքին գործերի նախարարները կիրակի օրը հանդիպել են՝ քննարկելու, թե երբ պետք է վերսկսեն  իրենց առաջնորդների եռակողմ գագաթնաժողովը չորս տարվա ընդմիջումից հետո և ինչպես ամրապնդեն համագործակցությունը հյուսիսարևելյան Ասիայի երեք հարևան երկրների միջև, գրում է AP-ն։

Տնտեսապես և մշակութային առումով միմյանց հետ սերտորեն կապված այս երեք երկրները միասին կազմում են համաշխարհային համախառն ներքին արդյունքի մոտ 25%-ը: Սակայն եռակողմ համագործակցությունը խթանելու ջանքերը հաճախ խոչընդոտվել են տարբեր հարցերի համակցությամբ, ներառյալ պատմական վեճերը, որոնք բխում են պատերազմի ժամանակաշրջանում ճապոնական ագրեսիայից և Չինաստանի ու Միացյալ Նահանգների միջև ռազմավարական մրցակցությունից, նշում են լրատվամիջոցները:

Հարավային Կորեայի  արտգործնախարարության տվյալներով, հարավկորեական  Պուսան քաղաքում տեղի ունեցած հանդիպմանը երեք երկրների արտգործնախարարները  մտքեր կփոխանակեն եռակողմ գագաթնաժողովի վերսկսման նախապատրաստման, եռակողմ համագործակցության բարելավման ուղիների և տարածաշրջանային և միջազգային այլ հարցերի շուրջ։

Սեպտեմբերին երեք երկրների բարձրաստիճան պաշտոնյաները պայմանավորվել էին «մոտակա հարմար ժամանակ» վերսկսել եռակողմ գագաթնաժողովը:

 2008-ին  անցկացված իրենց առաջին ինքնուրույն եռակողմ գագաթնաժողովից հետո երեք երկրների ղեկավարները պետք է հանդիպեին ամեն տարի: Բայց նրանց գագաթնաժողովը անընդհատ հետաձգվել է և փակուղում հայտնվել  2019 թվականից:

Նրանց հարաբերությունները միահյուսված են բազմաթիվ բարդ, զգայուն հարցերի հետ:

«Հարավային Կորեան և Ճապոնիան ԱՄՆ-ի առանցքային ռազմական դաշնակիցներն են՝ իրենց տարածքներում  ընդհանուր առմամբ 80․000 ամերիկացի զինվորական տեղակայելով: ԱՄՆ-ի հետ անվտանգության ոլորտում եռակողմ համագործակցության ամրապնդմանն ուղղված նրանց վերջին ջանքերը զայրացրել են Չինաստանին, որը չափազանց զգայուն է ցանկացած քայլի նկատմամբ, որը նա ընկալում է որպես Ասիայում գերիշխող իր աճը զսպելու սպառնալիք:

Սակայն որոշ դիտորդներ ասում են, որ այն փաստը, որ Չինաստանի նախագահ Սի Ծինփինը և նախագահ Ջո Բայդենը հաշտեցման երանգ հաղորդեցին մեկ տարի առաջայս ամսին իրենց առաջին անձնական հանդիպմանը, Սեուլին, Տոկիոյին և Պեկինին դիվանագիտական ​​հնարավորություն կարող է տալ եռակողմ համագործակցության աշխուժացման ուղիներ գտնելու համար»,- գրում է AP-ն։