նախընտրելի դարձնելՀայաստանում ԱՄՆ դեսպանությունը այսօր` նոյեմբերի 2-ին ,
Արամ Խաչատրյանի տուն-թանգարանում:նշեց ԱՄՆ դեսպանների մշակութային արժեքների պահպանության հիմնադրամի 10-ամյակը: NEWS.am-ին Հայաստանում ԱՄՆ դեսպանատնից հայտնեցին, որ միջոցառման ընթացքում ՀՀ-ում ԱՄՆ դեսպան Ջոն Հեֆերնը եւ Հայաստանի մշակույթի նախարար Հասմիկ Պողոսյանը ստորագրել են Գառնիի միջնադարյան կամրջի վերականգնման մասին արարողակարգային հուշագիրը: Գառնիի միջնադարյան կամրջի վերականգնման նպատակով Դեսպանների մշակութային արժեքների պահպանության հիմնադրամի կողմից 2011թ. հատկացվել է 110.000 ԱՄՆ դոլարի ֆինանսավորում: Սա մինչ օրս հիմնադրամի ֆինանսավորմամբ Հայաստանում իրականացված ամենամեծ ծրագիրն է: Հյուրերը, պետական պաշտոնյաները եւ Հիմնադրամի ծրագրերի նախորդ տարիների շահառուները կարեւորել են հիմնադրամի դերը Հայաստանի մշակութային ժառանգությունը եւ ընդհանուր համաշխարհային մշակույթը պահպանելու գործում:
Նշենք, որ ԱՄՆ դեսպանների մշակութային արժեքների պահպանության հիմնադրամը ստեղծման գաղափարը հաստատվել է ԱՄՆ կոնգրեսի կողմից 2000թ. աշնանը եւ այդ ժամանակվանից ի վեր հիմնադրամի ներքո իրականացվել են մշակութային արժեքների պահպանության 640 ծրագրեր աշխարհի 100 երկրներում, որոնց իրականացմանն ուղղվել է շուրջ 26 միլիոն ԱՄՆ դոլար:
