նախընտրելի դարձնելՈստիկանության ծառայողները, նոյեմբերի 2-ի ուշ երեկոյան, «Նոր Խարբերդ» Ա/Ը 11-րդ փողոցի տներից մեկից, թմրամիջոցներ ապօրինի պահելու կասկածանքով, բերման են ենթարկել տանտիրոջը եւ եւս 3 անձանց:
Ոստիկանության մամուլի ծառայությունից NEWS.am-ին հայտնում են, որ տան զննությամբ` սեղանի վրայից եւ խորդանոցի սառնարանի վրայից հայտնաբերվել է պլաստմասե 2 տարա` լցված բենզինանման հեղուկով, պլաստմասե 2 տարա` չորացած «սսոլպադեին» դեղամիջոցի նմանվող նյութի մնացորդներով, 20 գ տարողությամբ օգտագործված 3 ներարկիչ, ապակյա բռնակով 2 տարա` մեկը յոդանման նյութի նմանվող բամբակյա խծուծներով, «սսոլպադեին» դեղամիջոցի տուփի մնացորդ` վրան յոդանման չորացած նյութով, եւ 5 մլ տարողությամբ 2 ներարկիչ` յուրաքանչյուրում 2 մլ չափի թմրամիջոցի նմանվող թափանցիկ հեղուկով:
Ըստ տանտիրոջ բացատրության` նշված նյութերով պատրաստել եւ ներարկման եղանակով օգտագործել է թմրամիջոց:
Հայտնաբերվածն ուղարկվել է դատաքիմիական փորձաքննության:
Կատարվում է հետաքննություն:
