նախընտրելի դարձնելՈստիկանության Չարբախի բաժանմունքի եւ Ճանապարհային ոստիկանության ծառայողներն այսօր` նոյեմբերի 7-ին, ժամը 01.40-ին, Արարատյան փողոցում ծառայություն կատարելիս, կանգնեցրել են «Մերսեդես Ե-320» մակնիշի մի ավտոմեքենա:
Ոստիկանության մամուլի ծառայությունից NEWS.am-ին հայտնում են, որ Արարատի մարզի Դարակերտ գյուղի բնակիչներ վարորդն ու 3 ուղեւորները, թմրանյութ պատրաստելու եւ պահելու կասկածանքով, բերման են ենթարկվել ոստիկանություն:
Ավտոմեքենայի զննությամբ բեռնախցկից հայտնաբերվել է կանաչ կանեփանման 40 գ կշռով զանգված:
Ըստ վարորդի բացատրության` զանգվածը պատրաստել է նոյեմբերի 3-ին Արարատի մարզի Դարակերտ գյուղի Զանգվի գետափի հատվածում վայրի աճած կանեփի խոտաբույսից եւ օգտագործել է ծխելու եղանակով:
Հայտնաբերված կանեփանման զանգվածն ուղարկվել է փորձաքննության:
Կատարվում է հետաքննություն:
