նախընտրելի դարձնել
Իսլանդիայի հարավում արտակարգ դրություն է հայտարարվել Ռեյկյանես թերակղզում հրաբխի հերթական ժայթքումից հետո, որը չորրորդն է դեկտեմբերից ի վեր, հայտնում է BBC-ն։
Լավան հասել է մինչև տարհանված փոքր Գրինդավիկ քաղաքի արևելյան ամրությունները, հաղորդում են տեղական լրատվամիջոցները։
Լավայի հզոր և արագընթաց հոսքերը սկսել են ժայթքել շաբաթ ուշ երեկոյան, սակայն իշխանություններն ասում են, որ դրանք զգալիորեն փոքրացել են:
Սկզբնական շրջանում 3 կմ երկարությամբ ճեղքի շուրջ ակտիվությունը դադարել է:
Իսլանդիայի օդերևութաբանական վարչությունը հայտնել է, որ լավայի հոսքերը կիրակի օրը դեռևս հոսում են, բայց արագությունը, որով դրանք շարժվում են, սկսել է նվազել:
Իսլանդիայի քաղաքացիական պաշտպանության տնօրեն Վիդիր Ռեյնիսոնն ասել է, որ ամեն ինչ արվել է լավայի հոսքին նախապատրաստվելու համար, և ամենամեծ մտահոգությունը ենթակառուցվածքների վրա դրա ազդեցությունն է:
Պաշտպանական կառույցների մոտ լավայի կուտակումները նույնպես մտահոգիչ են, հավելել է նա։
Երկրի քաղաքացիական պաշտպանության ծառայության տվյալներով, ժայթքումը սկսվել է շաբաթ օրը տեղական ժամանակով ժամը 20:00-ից հետո (Գրինվիչի ժամանակով 20:00-ին) Գրինդավիկից դեպի հյուսիս:
