Հայաստանի վարչապետ Տիգրան Սարգսյանն այսօր` նոյեմբերի 14-ին, կառավարությունում ընդունել է Եվրոպայի հանդբոլի ֆեդերացիայի նախագահ Թոր Լիանին եւ քննարկել Հայաստանում մարզաձեւի զարգացմանն ու մասսայականացմանն  առնչվող հարցեր:

Կառավարության մամուլի ծառայությունից NEWS.am-ին հայտնում են, որ Տիգրան Սարգսյանը կարեւորել է Եվրոպայի հանդբոլի ֆեդերացիայի եւ այս մարզաձեւի Հայաստանի ֆեդերացիայի միջեւ  համագործակցության խորացումը եւ հույս հայտնել, որ Թոր Լիանի այցը մեր երկիր նոր թափ կհաղորդի Հայաստանում հանդբոլի զարգացմանը:

Իր հերթին, Թոր Լիանը պատրաստակամություն է հայտնել հետագայում եւս աջակցելու Հայաստանի հանդբոլի ֆեդերացիային՝ մարզաձեւի զարգացմանը նպաստելու նպատակով: