Հինգշաբթի օրը Հարավային Կորեայի խորհրդարանականները հավանություն են տվել օրինագծին, որը քրեականացնում է դիփֆեյքերի և սեքսուալ բնույթի տեսահոլովակների պահպանումը կամ դիտումը: Դա ներառում է բանտարկություն և տուգանքներ, հայտնում է Reuters-ը։

Հարավային Կորեայում սկանդալ է հասունացել Telegram-ում խմբակային չաթերի պատճառով, որոնցում ստեղծվել և լայնորեն տարածվել են սեռական բնույթի դիփֆեյքեր: Դրանից հետո հնչել են պատիժները խստացնելու կոչեր:

Օրինագծի համաձայն՝ ցանկացած ոք, ով ձեռք է բերում, պահպանում կամ դիտում է նման նյութեր, կարող է սպառնալ մինչև երեք տարվա ազատազրկում կամ մինչև 30 միլիոն վոնի (22,600 դոլար) տուգանք: Ներկայումս սեռական բովանդակությամբ դիփֆեյքերի ստեղծումը՝ դրանք տարածելու նպատակով, պատժվում է հինգ տարվա ազատազրկմամբ կամ 50 միլիոն վոնի տուգանքով՝ համաձայն «Սեռական բռնության կանխարգելման և զոհերի պաշտպանության մասին» օրենքի:

Երբ նոր օրենքն ուժի մեջ մտնի, նման հանցագործությունների համար առավելագույն պատիժը նույնպես կբարձրանա մինչև յոթ տարի՝ անկախ դիտավորությունից։ Այժմ օրինագիծը ուժի մեջ մտնելու համար կպահանջի երկրի նախագահ Յուն Սեոկ Յոլի հավանությունը։