նախընտրելի դարձնելԴեկտեմբերի 3-ին, ժամը 22.20-ին, հիվանդանոցից ոստիկանության Արտաշատի բաժնում հաղորդում է ստացվել, որ շմոլ գազի թունավորումով իրենց մոտ են տեղափոխվել Արտաշատ քաղաքի 2 բնակիչներ:
Ոստիկանության մամուլի ծառայությունից NEWS.am-ին հայտնում են, որ պարզվել է, որ նրանք թունավորվել են նույն օրը, ժամը 21.30-ի սահմաններում, տան վառարանից առաջացած շմոլ գազից:
Հանգամանքները պարզվում են:
Դեկտեմբերի 4-ին, ժամը 1.30-ի սահմաններում, հիվանդանոցից ոստիկանության Էրեբունիի բաժնում հաղորդում է ստացվել, որ շմոլ գազի թունավորումով իրենց մոտ բուժօգնության է տեղափոխվել 4 անձ:
Պարզվել է, որ նրանք թունավորվել են նույն օրը, ժամը 22.30-ին, տանը տեղադրված վառարանի թերայրման հետեւանքով առաջացած գազի արտահոսքից:
Դեկտեմբերի 3-ին, ժամը 11.45-ին, հիվանդանոցից ոստիկանության Մարտունիի բաժնում հաղորդում է ստացվել, որ շմոլ գազի թունավորումով իրենց մոտ է տեղափոխվել 3 մարդ:
Պարզվել է, որ նրանք թունավորվել են դեկտեմբերի 3-ի գիշերը` Լիճք գյուղի տներից մեկի վառարանից առաջացած շմոլ գազից:
Բոլոր դեպքերի առնչությամբ կատարվում է նախաքննություն:
