նախընտրելի դարձնել
Բույսերը շուտով կկարողանան «խոսել» իրենց այգեպանների հետ՝ շնորհիվ արհեստական բանականության, որն այգեպաններին հնարավորություն կտա շփվել իրենց այգու հետ։ Սկսնակ այգեպանները կկարողանան հարցնել՝ ինչի կարիք ունեն իրենց այգիներն ու նույնիսկ ինչպես են իրենց զգում, գրում է Daily Mail-ը։
Մշակումը կցուցադրվի հաջորդ տարի Լոնդոնի Չելսի շրջանի ծաղկի ցուցահանդեսում, որտեղ այցելուները կկարողանան փոխադարձությամբ արձագանքող այգի տեսնել: Թոմ Մասսիի և Ջե Անի նախագծած Avanade այգին կկարողանա այգեպաններին հուշել, թե արդյոք նպատակահարմա՞ր է այն ջրջնել, հիշեցնելով, որ օրվա ընթացքում անձրև է գալու, կամ եթե հողն արդեն բավականաչափ խոնավացված է: Այգին ստեղծվել է Microsoft ընկերության հետ համատեղ։
Ըստ նախագծի հեղինակ Թոմ Մասիի՝ այգին կկարողանա պատասխանել որոշ հարցերի, մասնավորապես՝ «Ինչպե՞ս եք ձեզ զգում: Ինչի՞ կարիք ունեք: Կարիք կա՞ ձեզ ոռոգելու: Իսկ այգին իր հերթին կկարողանա «պատասխանել» հետևյալ կերպ. «Ինձ մի քիչ էլ ջուր է պետք» կամ «Վատ չէր լինի, եթե մի քիչ ինձ խուզեին» և այլն։
Ավելի վաղ գիտնականները պարզել էին, որ բույսերն արձագանքում են ձայնային տատանումներին, որոնք կարող են նպաստել նրանց աճին: Մասիի այգում սենսորներ կտեղադրվեն՝ խոնավության, ինչպես նաև սննդարար նյութերի, թթվայնության և ալկալիականության մակարդակը վերահսկելու համար:
Ըստ ստեղծողների՝ «համեմատաբար էժան» անլար սենսորները կշփվեն այգու հետնամասի տաղավարում տեղադրված համակարգչի հետ:
Հատուկ ցուցահանդեսի համար մշակված տեխնոլոգիան պատկերացում է տալիս՝ ինչպիսին կլինեն ապագայի այգիները։ Ըստ ստեղծողի՝ դա խոշոր մշակումների այգիների համար անչափ օգտակար կլիներ:
