Բանգլադեշի հանցագործությունների դեմ պայքարի միջազգային տրիբունալը (ՏՀՏ) մարդկության դեմ հանցագործությունների և ցեղասպանության մեղադրանքով ձերբակալել է 20 մարդու, այդ թվում՝ նախկին վարչապետ Շեյխ Հասինայի կառավարության 10 նախարարների։

Հանցագործությունների մեջ մեղադրվողները դրանք կատարել են 2024 թվականի հուլիս-օգոստոս ամիսներին զանգվածային հակակառավարական ցույցերի ժամանակ, լրագրողներին ասաց տրիբունալի գլխավոր դատախազ Թաջուլ Իսլամը։ Ձերբակալվածների թվում են հանրապետության ՆԳՆ նախկին ղեկավար Ջահանգիր Ալամը, այլ նախկին նախարարներ, նրանց խորհրդականները և Գերագույն դատարանի նախկին դատավոր Շամսուդդին Մանիկը։ Բոլոր ձերբակալվածները պետք է դատարան ներկայացվեն մինչև նոյեմբերի 18-ը։

ՏՀՏ-ն նախկինում Հնդկաստանում գտնվող Շեյխ Հասինայի և առնվազն 45 այլոց, այդ թվում՝ նրա վարչակազմի վտարանդի պաշտոնյաների ձերբակալության օրդեր էր տվել՝ ամառային հակակառավարական ցույցերի ժամանակ ցեղասպանության մեղադրանքով: Նախկին վարչապետին Բանգլադեշ վերադարձնելու համար իրավապահ մարմինները մտադիր են օգնություն խնդրել Ինտերպոլից։