Մերձավոր Արևելքում տեղի ունեցած վերջին իրադարձությունների շարքը ևս մեկ անգամ ընդգծում է հրադադարի և ռազմական գործողությունների դադարեցման անհետաձգելիությունը, ըստ Xinhua գործակալության՝ հայտարարել է Չինաստանի ԱԳՆ խոսնակ Լին Ցզյանը։

Խոսնակն այս հայտարարությունն արել է՝ պատասխանելով իրանական մի շարք ռազմական օբյեկտներին Իսրայելի հարվածների վերաբերյալ հարցին։

Լին Ցզյանը նշել է, որ Չինաստանը դեմ է այլ երկրների ինքնիշխանության և անվտանգության ոտնահարմանը, ինչպես նաև ցանկացած դեպքում ուժի կիրառմանը։

Չինաստանի ԱԳՆ պաշտոնական ներկայացուցիչը հավելել է, որ ներկայիս իրավիճակը Մերձավոր Արևելքում չափազանց լարված է, և բոլոր շահագրգիռ կողմերը  տարածաշրջանում անվտանգության ընդհանուր ռիսկերի հետագա սրումից պետք է խուսափեն։