նախընտրելի դարձնել
Անգլիայի հայտնի անգլիկան Լեսթեր տաճարից մի քանի մետր հեռավորության վրա գտնվող այգիներում հնագետները սարսափելի բացահայտում են արել: Պեղումների ժամանակ հայտնաբերվել է նեղ ուղղահայաց հոր՝ լցված 123 տղամարդկանց, կանանց և երեխաների աճյուններով, գրում է The Guardian-ը։
Սա Բրիտանիայում երբևէ պեղված ամենամեծ փոսային գերեզմաններից մեկն է, և հետագա հետազոտությունները ցույց են տվել, որ մարմինները թաղվել են այնտեղ ավելի քան 800 տարի առաջ՝ 12-րդ դարի սկզբին: Սակայն պատճառները, թե ինչու են դիակները թաղվել այս փոքրիկ հորում, առեղծված են մնում:
Գիտնականների իրականացրած պեղումները ցույց են տվել, որ մարմինները հորում տեղադրվել են երեք շերտով:
Ըստ հնագետների, զանգվածային հուղարկավորման հայտնաբերումը վառ պատկերացում է տալիս ավելի քան ութ դար առաջվա Անգլիայի կյանքի մասին: Նրանք ընդգծել են, որ անգլո-սաքսոնական տարեգրությունը բազմիցս հիշատակում է Անգլիայում 10-րդ դարի կեսերից մինչև 12-րդ դարի կեսերը սարսափելի համաճարակների և տենդերի, մահացության բարձր մակարդակի և սովից սարսափելի մահացության մասին:
Զանգվածային գերեզմանի հայտնաբերումը տաճարում ժառանգության ուսումնասիման նոր կենտրոն կառուցելու որոշման արդյունք էր: Տասներկու տարի առաջ Անգլիայի թագավոր Ռիչարդ III-ի մարմինը հայտնաբերվել է մոտակա ավտոկայանատեղիի տակ և այնուհետև թաղվել տաճարում, ինչը հանգեցրել է այցելուների թվի տասնապատիկ աճին:
Այս ներհոսքը հաղթահարելու համար, տաճարի այգում ամբողջական հնագիտական ուսումնասիրությունից հետո, Ազգային վիճակախաղի հիմնադրամի աջակցությամբ, հավանություն էր տրվել նախկին գերեզմանատան տեղում նոր կենտրոն կառուցելուն:
