Նախատեսվում է, որ մեքենան վարելու համար բժշկական տեղեկանք ստանալու ժամանակ վարորդներին նարկոլոգիական թեստավորում կպարտադրվի։ Նման առաջարկով Առողջապահության նախարարությանն է դիմել Ազգային ավտոմոբիլային միությունը։ Առայժմ չի հաղորդվում՝ ստացե՞լ է արդյոք գերատեսչությունն այս դիմումը և ինչպիսի՞ արձագանք կտա դրան։ Սակայն սա հիշեցնում է մի պատմություն, որը տեղի է ունեցել ոչ այնքան վաղուց. այն ժամանակ նրանք ցանկանում էին ստուգել բոլոր վարորդներին սիստեմատիկ ալկոհոլ օգտագործելու համար:

Ի՞նչ է ասում միության ղեկավարը։ Նրա կարծիքով, հսկայական թվով վարորդներ, չնայած բոլոր խստացումներին, գնում են տեղեկանքները։ Ընդ որում, նման բժշկական փաստաթղթեր են ստանում նաև նրանք, որոնք հածվառված են  թմրամիջոցների բուժման կամ հոգեբուժական դիսպանսերում։

Ինչպես «Ռոսիյսկայա գազետային» ասել է միության ղեկավար Անտոն Շապարինը, տեղեկանքների տրամադրման ոլորտը պետք է ամբողջությամբ բարեփոխվի, ինչպես նախկինում եղավ զենքի գնման տեղեկանքների դեպքում։ Մասնավոր գրասենյակները, որոնք բացահայտ տեղեկանքներ են վաճառում ցանկացածին, պետք է անցյալ դառնան:

Ինչպես նաև գրանցման վայրում դիսպանսերներից քաղվածքներ ձեռք բերելու անհրաժեշտությունը․ անձի հաշվառված չլինելու հաստատումը պետք է անմիջապես իրականացվի դաշնային էլեկտրոնային տվյալների բազայի միջոցով: Բացի այդ, թմրամիջոցների և խրոնիկական ալկոհոլիզմի վերաբերյալ թեստավորումը պետք է պարտադիր լինի բոլորի համար։ Ճանապարհներին չափազանց շատ թմրամոլներ ու հարբեցողներ կան, մենք դրա համար վճարում ենք մարդկային կյանքերով։

Գաղափարը լավն է։ Բայց կան մի քանի նրբերանգներ։ Թմրամոլներին և հարբեցողներին անհրաժեշտ է հեռացնել ղեկից։ Դե ապացուցեք, որ նա թմրամոլ է կամ ալկոհոլիկ: Հաշվառված է՝ լավ: Իսկ այ թեստ վերցնել՝ փորձեք:

Հիշեցնենք մի պատմություն, որը տեղի է ունեցել մի քանի տարի առաջ։ Այն ժամանակ փորձեցին վարորդների համար կանոնավոր ալկոհոլ օգտագործելու թեստ հանձնելու պարտավորություն մտցնել։ Դա կարելի է հայտնաբերել, բայց ոչ արագ: Հետազոտությունը բավականին մեծ գումար է պահանջում։ Բացի այդ, դա տևում է մեկ օրից ավելի: Մի խոսքով,  ժամկետները մեծանում են, ծառայության արժեքը՝ թանկանում։ Նույնը կլինի այս դեպքում։

Ըստ Անտոն Շապարինի, կարելի է ստուգել, օրինակ, մեզի թեստով։ Նման փորձարկումներ կատարվում են զենքի թույլտվություն տրամադրելիս։ Արագ թեստերը ցույց կտան արդյունքը, բայց արդյո՞ք սա ապացույց կլինի վարչական գործի համար։

Այո, այս պատմության մեջ խոսքը ոչ թե վարչական գործի, այլ իրավունքներ ստանալու մասին է։ Բայց հարցերը մնում են։

Թերևս, մենք մեծ թվով թմրամոլներ և հարբեցողներ ունենք, որոնք հաշվառված չեն նարկոդիսպանսերում։ Միգուցե նրանցից ոմանք ցանկանում են վարորդական իրավունք ստանալ։

Բայց հարց է առաջանում․  ինչո՞ւ պետք է մարգինալացված մարդկանց պատճառով պատասխանատվություն կրեն մնացած բոլոր վարորդները, որոնք պետք է թարմացնեն իրավունքը  կամ նրանք, ովքեր նոր են պատրաստվում վկայական ստանալ։

Ներկայումս գործող կարգը բավականին արդյունավետ է։ Եթե ​​քեզ հարբած բռնեն, ուրեմն կստուգեն բոլոր չափանիշներով։ Ձեզ չեն նկատել օգտագործելիս, հաշվառված չեք, էլ  ինչու՞ ձեռք տալ: