Նախընտրելի
Իտալական «Fiat» ապրանքանիշը նախատեսում է 2029 թվականին թողարկել բոլորովին նոր «500», իսկ 2030 թվականին՝ բոլորովին նոր «Panda»՝ նշանավորելով տեսանելի ապագայում Իտալիայում քաղաքային ավտոմեքենաներ արտադրելու պարտավորությունը:
««Fiat»-ի ծրագիրը շատ պարզ է,- Բրյուսելի ավտոսրահում Autocar-ին է ասել «Fiat Stellantis» մայր ընկերության Եվրոպայում գլխավոր գործառնական տնօրեն Ժան-Ֆիլիպ Իմպարատոն:- 2025 թվականի նոյեմբերին «500» մոդելը լրացվելու է հիբրիդային (էլեկտրական) «500» տարբերակով։ Երկրորդ՝ «500»-ի հաջորդ սերունդը կհայտնվի մոտ 2029 թվականին Միրաֆիորիում (Թուրինի գործարան): «Pandina»-ն («Panda»-ի ներսում օգտագործվող անունը) կկառուցվի Պոմիլիանոյում (Նեապոլի գործարան) մինչև 2030 թվականը, այնուհետև 2030 թվականին Պոմիլիանոյում կհայտնվի նոր «Pandina»-ն։ Իսկ 2025 թվականի մարտին կհայտնվի «Grande Panda»-ն՝ ինչպես էլեկտրական, այնպես էլ հիբրիդային տարբերակներով»։
Ըստ ընկերության ներկայացուցչի, այսպիսով «Fiat»-ի հոսքագծի A և B սեգմենտներում կհայտնվեն նոր «500»-ը, նոր «Pandina»-ն և «Grande Panda»-ն:
Սա նշանակում է, որ «Fiat»-ը կշարունակի կառուցել այն մեքենաները, որոնք որոշում են նրա ապրանքանիշը 1936 թվականի թողարկման օրիգինալ «Topolino 500»-ից սկսած՝ դիմակայելով քաղաքային մեքենաների դասից հրաժարվելու գայթակղությանը հօգուտ ավելի շահավետ քրոսովերների և ամենագնացների, ինչին վերջին տարիներին ենթարկվել են «500»-ի և «Panda»-ի շատ մրցակիցներ:
«500» և «Panda» մոդելները եղել են «Fiat»-ի ողնաշարը վերջին տասնամյակի ընթացքում: Իրոք, «Panda»-ն մնում է Իտալիայի ամենաշատ վաճառվող նոր մեքենաներից մեկը, չնայած այն հանգամանքին, որ մոդելը թողարկվել է 14 տարի առաջ:
