նախընտրելի դարձնել
Դիվանագիտական ներկայացուցիչն իսրայելցի լրագրողներին հայտնել է, որ Իսրայելը թույլ չի տա Գազայի բնակիչներին վերադառնալ հյուսիսային մաս, քանի դեռ չի ապահովվել պատանդ Արբել Յեհուդի ազատումը, գրում է Times of Israel-ը։
«Վարչապետ Նաթանյահուն հաստատակամ է իր որոշման մեջ՝ թույլ չտալ Գազայի բնակիչներին Նեցարիմ միջանցքով անցնել հյուսիս, քանի դեռ չի լուծվել Արբել Յեհուդի վերադարձի հարցը», - ասել է պաշտոնյան։
Իսրայելը պահանջել է, որ երեկ ազատ արձակված պատանդների թվում լիներ քաղաքացիական անձ Յեհուդը, սակայն պաղեստինյան ՀԱՄԱՍ խմբավորումը փոխարենը ազատ է արձակել ՑԱԽԱԼ-ի չորս կին զինվորների։
Իսրայելն այդ որոշումն անվանել է հրադադարի խախտում և իր հերթին հրաժարվել է բացել Գազայի հյուսիս տանող առափնյա ճանապարհը, որտեղ այսօր հազարավոր մարդիկ են հավաքվել՝ սպասելով տուն վերադառնալուն։
Ավելի վաղ ՀԱՄԱՍ-ը հայտարարություն էր տարածել, որում ասվում էր, որ Յեհուդը ողջ է, և որ խմբավորումը տրամադրել է «բոլոր անհրաժեշտ երաշխիքները նրա ազատ արձակման համար»:
