նախընտրելի դարձնել
Ուկրաինան պատրաստ է 30-օրյա հրադադարի լայնամասշտաբ պատերազմում, որը Ռուսաստանը մղում է մեր երկրի դեմ ավելի քան երեք տարի։ Այս մասին հայտնել է Ուկրաինայի նախագահ Վլադիմիր Զելենսկին Ֆրանսիայի նախագահ Էմանուել Մակրոնի հետ զրույցից հետո։
«Ուկրաինան պատրաստ է 30-օրյա անվերապահ հրադադարի, բայց դրա իրականացմանն անցնելու համար Ռուսաստանը պետք է դադարի պայմաններ առաջ քաշել»,- ընդգծել է Զելենսկին, հաղորդել է УНИАН-ը։
Նա նշել է, որ նախագահ Մակրոնի հետ քննարկել են անվտանգության հստակ երաշխիքներ ձեւավորելու թիմերի աշխատանքը։
«Ֆրանսիայի դիրքորոշումն այս հարցում շատ կոնկրետ է, եւ մենք բացարձակապես աջակցում ենք դրան։ Մենք շարունակում ենք աշխատել եւ համակարգել հաջորդ քայլերն ու շփումները գործընկերների հետ»,- ավելացրել է Զելենսկին։
Երկրների կոալիցիան, որոնք պատրաստ են միասին աշխատել Ուկրաինայի հետ՝ արդար եւ կայուն խաղաղություն հաստատելու համար, աճում է, հայտնել է նա։
