Նախընտրելի
Հայտնի է դարձել Subaru-ի հաջորդ նոր մոդելի անունը: Բացի Outback-ից, որին խոստացված են արմատական փոփոխություններ, ճապոնական ապրանքանիշը Նյու Յորքի ավտոսրահի համար միանգամայն նոր ավտոմեքենա է պատրաստել՝ նախկինում երբեք չլսված անունով՝ Trailseeker, գրում է motor.ru-ն։
Եվ մինչ Subaru-ն Միացյալ Նահագների շուկայում պատրաստվում է կենտրոնանալ հիբրիդների վրա, Trailseeker-ը համարվում է մաքուր էլեկտրական ավտոմեքենա: Ցուցահանդեսը կմեկնարկի ապրիլի 16-ին, իսկ նոր արտադրանքի հանրային ցուցադրությունը տեղի կունենա 2025 թվականի ապրիլի 18-27-ն ընկած ժամանակահատվածում։
Նոր մոդելի հետնամասի անվանատախտակով պատկերից բացի և ոչ այնքան տեղեկատվական ազդարարումից հետո, նորագույն Subaru-ի մասին դեռևս տեղեկություններ չկան։ Ճապոնացիները բնութագրում են էլեկտրական Trailseeker-ը որպես «արկածների համար պատրաստ օգնական», այնպես որ կարելի է լիաքարշակ ավտոմեքենայի հնարվորություններ ակնկալել: Subaru-ն, ըստ ամենայնի, էլեկտրական ավտոմեքենայի թողարկման միտքը հղացել է՝ ոգեշնչվելով Toyota-ի նոր մշակած «կանաչ» քրոսովերի՝ Solterra-ի հաջողությունից:
2025 թվականի մարտին ԱՄՆ-ում Toyota bZ4X երկվորյակի վաճառքը տարեկան կտրվածքով աճել է 159 տոկոսով, իսկ հունվարից՝ տարեկան 173 տոկոսով:
