Հնդկաստանն արգելել է ապրանքների ներմուծումը Պակիստանից, քանի որ երկու հարեւանների միջեւ դիվանագիտական ​​լարվածությունը սրվել է հնդկական Քաշմիր շրջանում ահաբեկչությունից հետո, հայտնել է Reuters-ը:

Հնդկաստանի արտաքին առեւտրի գլխավոր տնօրինության ծանուցման մեջ ասվում է, որ արգելքը ուժի մեջ է մտնում անմիջապես:

«Այս սահմանափակումը ներդրվում է ազգային անվտանգության եւ պետական​​քաղաքականության շահերից ելնելով»,- նշվել է գերատեսչության հաղորդագրությունում։

Անցած շաբաթ պակիստանցի զինյալները սպանել են առնվազն 26 զբոսաշրջիկների՝ Քաշմիրի Պահալգամ շրջանի լեռնային հանգստավայրի վրա հարձակման հետեւանքով։

Հնդկաստանը Պակիստանին մեղադրել է հարձակմանը մասնակցության մեջ, ինչը Իսլամաբադը հերքում է: Պակիստանը, սակայն, հայտարարել է, որ ունի «հավաստի հետախուզական տվյալներ», որ Հնդկաստանը պատրաստվում է ռազմական գործողություններ սկսել:

Պակիստանը նաեւ հայտնել է պատասխան միջոցների մասին, որոնք ներառում են ողջ անդրսահմանային առեւտրի դադարեցում, օդային տարածքի փակում հնդկական փոխադրողների համար եւ հնդիկ դիվանագետների արտաքսում:

Նա նաեւ նախազգուշացրել է, որ գետի ջրի հոսքը խանգարելու ցանկացած փորձ, որը խոստացվել է երկու երկրների միջեւ պայմանագրով եւ գործում  է տասնամյակներ, կդիտարկվի որպես պատերազմի ակտ։