Սաուդյան Արաբիայում Թրամփի գալստյան առիթով ստեղծել են McDonald's-ի բեռնատար-ռեստորան

Սաուդյան Արաբիան ներկայացրել է McDonald's շարժական բեռնատարը՝ հունվարին ԱՄՆ նախագահ Դոնալդ Թրամփի երդմնակալությունից հետո առաջին այցի համար, հայտնել է Fox News Digital-ը։

Սպիտակ տան ներկայացուցիչը հաստատել է, որ Թրամփի այցի ժամանակ McDonald's-ի սննդամթերքի մեքենան գտնվել է թագավորության մայրաքաղաք Էր Ռիադում։ Բեռնատարի նկարներն ու տեսանյութը անտառային հրդեհի արագությամբ տարածվել են սոցցանցերում:

Թրամփի սերը McDonald's-ի հանդեպ վաղուց է հայտնի։ 2019թ., երբ նախագահը Սպիտակ տանը հյուրընկալել էր «Քլեմսոն Թայգերս» ուսանողական ազգային ֆուտբոլային թիմի չեմպիոններին, նա նրանց հյուրասիրել է արագ սննդի կերակուրներով՝ «շվեդական սեղանի» ձեւաչափով։ Նրա փեսայի՝ Ջարեդ Քուշների խոսքով՝ նա նաեւ դիմել է McDonald's-ին այն բանից հետո, երբ նրա մոտ ախտորոշվել է COVID-19 եւ ապաքինվել է 2020թ.: Իսկ նրա նախկին թիկնապահի խոսքով՝ Թրամփը 2016թ. նախընտրական քարոզարշավի ժամանակ նախաճաշին նախընտրել է մակմաֆինները։

Թրամփի սերը հանրահայտ ցանցի նկատմամբ ընդգծվել է 2024թ. ընտրարշավի ժամանակ, երբ նա հագել է McDonald's-ի գոգնոցը եւ աշխատել Փենսիլվանիայի նահանգի ռեստորանում։