նախընտրելի դարձնել
Վերջին տարիներին Ցզիյան գավառը (Գույչժոու նահանգ) հետևողականորեն թեյի ոլորտի բարձրորակ զարգացման ռազմավարություն է իրականացնում՝ հետևելով «թեյի համալիր զարգացման հինգ ուղղությունների» գաղափարին՝ մշակույթ, արդյունաբերություն, տեխնոլոգիա, շուկա և կադրեր։ Այս մոտեցումը ապահովում է սելենով հարուստ թեյի արտադրության կայուն զարգացումը:
2024 թվականի դրությամբ գավառում թեյի պլանտացիաների ընդհանուր մակերեսը հասել է 2600 հեկտարի, տարեկան արտադրության ծավալը՝ 12 795 տոննայի, իսկ գրանցված ձեռնարկությունների թիվը՝ 445-ի, որոնցից 146-ն ունեն SC հավաստագիր (Սննդի արտադրության լիցենզիա)։ Արտադրվում է ապրանքների լայն տեսականի՝ կանաչ, սպիտակ, կարմիր, մուգ («հեյ չա») և բուրավետ թեյեր։ Արտադրանքի տարեկան գյուղատնտեսական արժեքը կազմել է 3,55 մլրդ յուան, իսկ ոլորտի համախառն ընդհանուր արժեքը՝ 7 մլրդ յուան։
«Ցզիյանյան բարձր սելեն պարունակող թեյ» բրենդը ճանաչում է ստացել ազգային և միջազգային մակարդակներում։ Այն արժանացել է «Չինաստանի աշխարհագրական նշման պահպանվող արտադրանք» և «Չինաստանի հայտնի ապրանքային նշան» կոչումներին, ներառվել է Չինաստանի և ԵՄ-ի միջև աշխարհագրական նշումների փոխադարձ ճանաչման մասին համաձայնագրի երկրորդ ցանկում։ Ցզիյանյան թեյը եղել է Բոաոյի V գյուղատնտեսական ֆորումի պաշտոնական արտադրանքը, Չինաստանի XIV համաչինական խաղերի լիցենզավորված ապրանքը, օգտագործվել է Չինաստան-Կենտրոնական Ասիա գագաթնաժողովում, ինչպես նաև արժանացել է Պանամա-Խաղաղօվկիանոսյան միջազգային ցուցահանդեսի (ԱՄՆ) Հատուկ ոսկե մրցանակին։
Գավառը բազմիցս ճանաչվել է «Սելենային թեյի հայտնի ապրանքանիշերի ազգային ցուցադրական գոտի», ընդգրկվել «Չինաստանի հարյուր ամենաուժեղ թեյի գավառների» ցանկում (հինգ տարի անընդմեջ) և ստացել «Չինաստանի հմայիչ թեյի հայրենիք» կոչումը։
Արտադրության արդիականացման նպատակով Ցզիյանը ակտիվորեն զարգացնում է ենթակառուցվածքն ու տեխնոլոգիական բազան։ Ստեղծվել է 80 թեյի այգի, էկոլոգիապես մաքուր արտադրանքի մասնաբաժինը գերազանցել է 20%-ը, իրականացվում են մեխանիզացիայի և ավտոմատացման ծրագրեր, ինչպես նաև «Սելեն + Օրգանիկա» նախաձեռնությունը։ Գավառը մտել է Չինաստանի գյուղատնտեսության արդիականացման 100 փորձնական գոտիների ցանկի մեջ և դարձել թեյի ոլորտի ազգային կլաստեր։
Ստանդարտացման ոլորտում հաստատվել է 6 տեղական ստանդարտ, 3 ոլորտային և 7 տեխնիկական կանոնակարգ ցզիյանյան սելենային թեյի արտադրության վերաբերյալ։ Առաջ է մղվում «առաջատար ձեռնարկություններ + կոոպերատիվներ + բազաներ + ֆերմերային տնտեսություններ» համագործակցության մոդելը։ 2024 թվականին թեյի արտադրանքի արտադրությունն ու արժեքն աճել են 9%-ով։
Գիտատեխնիկական զարգացման համար ստեղծվել է 21 նորարարական հարթակ, ձևավորվել է «գիտնական + ինժեներական» 5 թիմ և 8 փորձագիտական կայան։ 2024 թվականին տեխնոլոգիական պայմանագրերի ծավալը հասել է 106 միլիոն յուանի։ Մշակվում են նոր ապրանքներ՝ թեյի պոլիֆենոլների էքստրակտներ, սելենային թեյի գերմանր փոշի։ Ստեղծվում են թվային «խելացի» թեյի պլանտացիաներ և կատարելագործվում են մեծ տվյալների և արտադրանքի հետագծելիության համակարգեր։
Բրենդի առաջխաղացման շրջանակներում իրականացվում է «Ցզիյան գավառի թեյի արդյունաբերության բարձրորակ զարգացման հնգամյա պլանը», անցկացվում են «Գարնանային թեյ» շարքի ամենամյա միջոցառումներ։ Գրանցվել են չորս աշխարհագրական նշաններ՝ «Ցզիյանյան թեյ», «Ցզիյանյան սելենային թեյ», «Ցզիյանյան մաոցզյան թեյ» և «Ցզիյանյան կարմիր թեյ»։
Շուկան ընդլայնելու համար ստեղծվել է 4 տարածաշրջանային մարքեթինգային կենտրոն, բացվել է ավելի քան 1000 մանրածախ խանութ և 300 առցանց խանութ։ 2024 թվականին Միջին Ասիայում սկսել է գործել ցզիյանյան սելենային թեյի առաջին արտասահմանյան ցուցահանդեսային-առևտրային կենտրոնը։ Ամեն տարի ավելի քան 10 մլն յուան է ուղղվում բրենդի առաջխաղացմանը, նպաստելով վերջինիս տարածմանը։
«Ցզիյանի սելենային թեյ. որքան շատ ես խմում, այնքան շատ ես ուզում»։
Խորեն Գրիգորյան Ցզինյանից
