Իրանի կենտրոնական մասում գտնվող Ջաննաթ Աբադ արդյունաբերական քաղաքի Էյվանկի նավթավերամշակման գործարանում հրդեհ է բռնկվել, հաղորդում է Mehr-ը։

Սեմնան և Թեհրան նահանգների հրշեջներն ու փրկարարական խմբերն այժմ աշխատում են հրդեհը մարելու ուղղությամբ։

Հրդեհաշիջման աշխատանքներին են միացել նաև Կարմիր մահիկի ստորաբաժանումները, հրշեջ ծառայությունը, բժշկական շտապօգնությունը, ոստիկանությունը և Թեհրան նահանգի լրացուցիչ օժանդակ խմբերը։

Իշխանությունները դեռևս տեղեկություններ չեն հրապարակել հնարավոր զոհերի կամ վիրավորների մասին։

Հրդեհի պատճառը դեռևս անհայտ է և կպարզվի համապատասխան մասնագետների կողմից իրականացվող հետաքննությունից հետո։