Վրաստանում «Լուկոյլ» բենզալցակայաններում այլևս անհնար է վճարումներ անել բանկային քարտերով,  ըստ «Батумелеби»-ի՝ վառելիքը կարելի է գնել միայն կանխիկով:

«Այսուհետև չի կարելի վճարումներ անել բանկային քարտերով: Վճարման միակ եղանակը կանխիկն է, քարտերը չեղարկվել են»,- լրատվամիջոցին ասել են «Լուկոյլ» բենզալցակայաններից մեկում:

Լրագրողի հարցին՝ որքան ժամանակ է գործում բանկային քարտերով վճարումների արգելքը, այնտեղ պատասխանել են, որ արգելքը գործում է արդեն հինգ օր:

«Գալիս է գանձման գործակալությունն ու վերցնում գումարը»,- հայտնել է «Լուկոյլ» բենզալցակայանի աշխատակիցը:

«Քարտով վճարումները ժամանակավորապես անհասանելի են: Քարտով վճարումների վերսկսման ճշգրիտ ամսաթիվը հայտնի չէ» - ասել է բենզալցակայանի թեժ գծի օպերատոր «Батумелеби»-ն:

Հոկտեմբերի 22-ին ռուսական «Լուկոյլ» նավթային ընկերության նկատմամբ ԱՄՆ կիրառած ֆինանսական պատժամիջոցները վերաբերում են նաև Վրաստանում գրանցված դրա «Լուկոյլ Վրաստան» դուստր ձեռնարկությանը:

ԱՄՆ ֆինանսների նախարարությունը պատժամիջոցների փաստաթղթին կցել է հավելված, որում նշվում է, որ մինչև 2025 թվականի նոյեմբերի 21-ը պատժամիջոցները չեն տարածվի Ռուսաստանից դուրս գտնվող «Լուկոյլ» բենզալցակայանների վրա։

Ավելի ուշ ԱՄՆ ֆինանսների նախարարության արտասահմանյան ակտիվների վերահսկողության գրասենյակը (OFAC) երկարաձգել է ժամկետը երեք շաբաթով և հայտարարեց, որ «Լուկոյլ»-ի դեմ պատժամիջոցները ուժի մեջ կմտնեն 2025 թվականի դեկտեմբերի 13-ին։