Իրանի արձակած հրթիռներից վնասվել է Իսրայելի պաշտպանության բանակի գլխավոր շտաբի կենտրոնակայանը․ հայտնում է Mehr-ը։

Ավելի վաղ իսրայելական լրատվամիջոցները հաստատել էին, որ Իրանը հրթիռների նոր ալիք է արձակել Իսրայելի տարածքի ուղղությամբ՝ ի պատասխան Իրանի Իսլամական Հանրապետությանը հասցված հարվածների։

Հաղորդվում էր, որ ողջ երկրում միացել են օդային տագնապի ազդանշանները, մարդիկ պատսպարվել են ռմբապաստարաններում, ապա նրանց թույլատրել են դուրս գալ, սակայն կոչ են արել մնալ թաքստոցներին մոտ։