Մեծ Բրիտանիայի վարչապետ Քիր Սթարմերը հայտարարել է, որ կառավարությունը «չի հավատում օդից ռեժիմի փոփոխությանը», ինչը նրա մինչ այժմ Դոնալդ Թրամփի դեմ արված ամենակոշտ հայտարարությունն էր։

Խորհրդարանականների առջև իր ելույթում Սթարմերն, ըստ էության, քննադատել է ԱՄՆ նախագահին՝ նշելով, որ Մերձավոր Արևելքում ցանկացած ռազմական միջամտություն պետք է լինի օրինական և հանգամանալից քննարկված, գրում է The Telegraph-ը։

Վարչապետը սկզբում արգելափակել էր բրիտանական բազաների ԱՄՆ-ի  կողմից օգտագործումը Իրանի դեմ հարվածների համար։ The Telegraph-ին տված բացառիկ հարցազրույցում Թրամփը նշել է, որ «շատ հիասթափված է» Սթարմերի որոշումից։

Համայնքների պալատում ելույթ ունենալով՝ Սթարմերն ընդգծել է, որ գործողությանը բրիտանական ցանկացած մասնակցություն պետք է իրավական հիմք և իրատեսական, հանգամանալից մշակված ծրագիր ունենա՝ հասանելի նպատակով կամ իրատեսորեն հասանելի նպատակով։ «Այդ կառավարությունը չի հավատում օդից ռեժիմի փոփոխությանը»,- եզրափակել է վարչապետը։