«Ես չգիտեմ, թե ինչ է պատահել Ջեֆրի Էպշտեյնի հետ, մեզանից ոչ մեկը չգիտի, մենք այնտեղ չենք եղել»։ Այս մասին հայտարարել է ԱՄՆ նախկին նախագահ Բիլ Քլինթոնը՝ ցուցմունք տալով Կոնգրեսում։

Նա նաև չի կարող պատասխանել այն հարցին, թե արդյոք Էպշտեյնը կարող էր ինքնասպան լինել։ Քլինթոնը պնդում է, որ ինքը Էպշտեյնին «ճանաչել է» միայն «կարճ ժամանակով» և որ իրենց հարաբերությունները «ավարտվել են մի քանի տարի առաջ, նախքան նրա հանցագործությունների բացահայտումը»։

Քլինթոնին հարցրել են, թե արդյոք ԱՄՆ նախագահ Դոնալդ Թրամփը պետք է ցուցմունք տա։ «Դա ձեր որոշելիքն է», - ասել է նա։ «Բայց նա նրան լավ գիտեր»։

Նա նաև մեկնաբանել է Էպշտեյնի մասին Թրամփի հետ 2002 կամ 2003 թվականների շուրջ ունեցած զրույցը։ «[Թրամփը] երբեք ինձ ոչինչ չի ասել, որը կստիպեր ինձ հավատալ, որ նա ներգրավված է Էպշտեյնի հետ կապված որևէ վատ բանի մեջ։ Նա պարզապես չի ասել դա։ Նա պարզապես ասել է. «Մենք ընկերներ էինք, իսկ հետո վիճաբանել ենք հողատարածքի, անշարժ գույքի գործարքի պատճառով»։ Այսքանը»։

Նրա խոսքով՝ զրույցը տեղի է ունեցել Թրամփի գոլֆի դաշտում՝ դրամահավաքի ժամանակ։ Նա պնդում է, որ Թրամփը, հավանաբար, գիտեր, որ Քլինթոնը նախկինում թռել է Էպշտեյնի ինքնաթիռով։ Երբ հարցրին, թե արդյոք Թրամփը մանրամասնել է Էպշտեյնի հետ անցկացրած ժամանակը, Քլինթոնը պատասխանեց, որ Թրամփը զրույցը «սեռական ենթատեքստ չի ունեցել»։