Նախընտրելի
ԱՄՆ նախագահ Դոնալդ Թրամփը The Financial Times-ին տված հարցազրույցում հայտարարել է իրանական նավթը «զավթելու» իր ցանկության մասին։
«Անկեղծ ասած, իմ նախընտրած տարբերակը իրանական նավթը զավթելն է, բայց ԱՄՆ-ում որոշ հիմար մարդիկ ասում են. «Ինչո՞ւ եք դա անում»։ Բայց նրանք հիմար մարդիկ են», - ասել է ամերիկացի առաջնորդը։
Նա չի բացառել Խարգ կղզու՝ Պարսից ծոցի հյուսիսում գտնվող Իրանի նավթի արտահանման հիմնական հանգույցի, զավթումը։
Թրամփը կարծում է, որ Իսլամական Հանրապետությունը չունի կղզին պաշտպանելու ուժ, և ԱՄՆ-ն կարող է «շատ հեշտությամբ» վերահսկողություն հաստատել դրա նկատմամբ։
ԱՄՆ առաջնորդը նշել է, որ Մերձավոր Արևելքում ռազմական գործողությունների ընթացքում ամերիկյան ուժերն արդեն «ռմբակոծել են 13,000 թիրախ», որոնցից մոտ 3,000-ը մնացել են։
