Իրանի Իսլամական Հանրապետության արտաքին գործերի նախարար Աբաս Արաղչին և Պակիստանի արտաքին գործերի նախարար Մուհամադ Իսհակ Դարը հեռախոսազրույց են ունեցել, հայտնում է Pars Today-ը։

Զրույցի ընթացքում երկու երկրների ԱԳ նախարարները քննարկել են տարածաշրջանային ու միջազգային վերջին իրադարձությունները, ինչպես նաև երկկողմ համագործակցության արդի հարցեր։

Կողմերը մտքեր են փոխանակել տարածաշրջանում իրավիճակի զարգացման շուրջ և ընդգծել երկխոսության շարունակականության կարևորությունը՝ Թեհրանի և Իսլամաբադի միջև փոխգործակցությունն ամրապնդելու նպատակով։