ՆախընտրելիԻսպանիայի գերագույն դատարանը փակել է դատավոր Բալտասար Գարսոնի գործը, ում մեղադրում էին 30-ականների քաղաքացիական պատերազմի ընթացքում Ֆրանկոյի եւ հանգուցյալ այլ գործիչների կողմից գործված հանցանքները հետաքննելիս լիազորությունները գերազանցելու մեջ: Նրանց դեմ գործը Գարսոնը հարուցել էր մի քանի տարի առաջ:
Դատավորին մեղադրում էին 77 թվականից ի վեր համաներման օրենքի խախտման, կողմնակակալության եւ պաշտոնեական դիրքի չարաշահման, ինչպես նաեւ հասարակության մեջ լարում ստեղծելու փորձի համար, հայտնում է «Էխո Մոսկվի» ռադիոկայանը:
Նշենք, որ սա դատավորի նկատմամբ արդեն երրորդ գործն է: Առաջին գործի կապակցությամբ` հեռախոսազրույցների ապօրինի գաղտնալսման համար, դատարանը Գարսոնին արգելել էր 11 տարի զբաղվել մասնագիտական գործունեությամբ: Երկրորդ գործի ժամանակ` ավելի քան մեկ միլիոն դոլար ապօրինի յուրացնելու համար, նա արդարացվել էր հանցանքի վաղեմության ժամկետը լրանալու պատճառով:
Դատավոր Գարսոնը հայտնի է շատ աղմկահարույց գործերով, մասնավորապես հենց նա է ժամանակին կայացրել չիլիական բռնակալ Աուգուստո Պինոչետիի եւ «Ալ Կաիդայի» առաջնոդ Ուսամա Բել Լադենի դատավճիռները: 2000 թվականին նա գրավի դիմաց բաց է թողել Իսպանիայում ձերբակալված ռուս մեդիամագնատ Վլադիմիր Գուսինսկիին:
