Հետազոտողները հայտարարում են, որ մարդիկ, ովքեր ստիպված են եղել կանոններ խախտել կամ իրենց խղճի դեմ արարք գործել, ավելի քիչ են հակված նույն սխալը գործել:
Գիտնականների անցկացրած փորձին բիզնես-դպրոցների 196 ուսանող է մասնակցել: Նրանց զույգերի են բաժանել, որոնցից յուրաքանչյուրում մասնակիցներից մեկը հանդես է եկել պատմական շենք վաճառողի դերում, մյուսը՝ գնորդի: «Գնորդին» տեղեկացրել են, որ շենքը գնելու դեպքում դրա արտաքին տեսքը պահպանելը պարտադիր պայման է, սակայն «գնորդն» իրականում ցանկանում է քանդել այն եւ տեղում հյուրանոց կառուցել:
Ըստ Gazeta-ի, գիտափորձից առաջ կամավորների կեսին խնդրել են պատմել որեւէ դեպքի մասին, երբ կանոնների խախտումն իրենց շահ է բերել, թեկուզ ոչ շատ մեծ: Իսկ փորձի մասնակիցների մյուս մասը, հակառակը, պատմել է այն դեպքերի մասին, երբ կանոններին հետեւելն օգուտ է բերել: Հետազոտության արդյունքում պարզվել է, որ այն ուսանողները, որոնք հիշել են կեղծիքի հնարավոր օգուտի մասին, ամեն դեպքում, փորձել են առանց դրա գործել` 45% դեպքում: Իսկ ճշմարտությունն ասելու անհրաժեշտության մասին հիշող ուսանողները, հակառակը, ավելի հաճախ են ստել՝ 67% դեպքում: