Իտալացի հետազոտողները հարցում են անցկացրել եւ հանգել եզրակացության, որ սիրո արդյունք հանդիսացող ամուսնություններն ավելի պակաս ամուր են, քան այն զույգերինը, որոնք ամուսնացել են հանգամանքների բերումով կամ հաշվարկով:
Գիտնականները լայնածավալ հարցում են անցկացրել, որին մասնակցել է 2 հազար զույգ: Ըստ Informing-ի, պարզվել է, որ սիրով ամուսնացած զույգերը խանդով եւ բծախնդրորեն են վերաբերվում միմյանց, եւ հարաբերություններում ավելի հաճախ են ուշադրություն դարձնում մանրուքներին եւ նկատում իրենց զուգընկերոջ բացթողումները: Դա հանգեցնում է հաճախակի վեճերի, ինչն էլ ամուսիններին ստիպում է մտածել ապահարզանի մասին:
Մյուս կողմից, հաշվարկով կամ հանգամանքների բերումով ամուսնացած զույգերի հարաբերություններն ավելի երկարատեւ են: Գիտնականները դա բացատրում են այն հանգամանքով, որ զուգընկերները միմյանց հանդեպ մեծ սեր չեն տածում: Արդյունքում նրանք չեն հետաքրքրվում միմյանց անձնական կյանքով եւ ավելի շատ ժամանակ են տրամադրում աշխատանքին, ընկերներին եւ սեփական ժամանցին: Դրա հետեւանքով զուգընկերների միջեւ կենցաղային հողի վրա կոնֆլիկտներ չեն ծագում, իսկ ժամանակի ընթացքում զուգընկերները սովորում են միմյանց եւ հազվադեպ են մտածում բաժանության մասին: