Կալիֆորնիական Գլենդել քաղաքի դպրոցական միացյալ շրջանի մաթեմատիկայի ուսուցչուհի Թալին Արսենյանն ընտրվել է Գլենդելի Ուսուցչաց ընկերակցության նախագահ: Ըստ «Asbarez»-ի, նա պաշտոնը կստանձնի հուլիսի 1-ին եւ կպաշտոնավարի երկու տարի:
Արսենյանը 1999 թվականից Ընկերակցության ակտիվ անդամներից է: Կազմակերպության Գործադիր խորհրդում նա եղել է քարտուղար եւ նախագահի տեղակալ:
2013 թվականին Արսենյանն աշխատել է Ուսուցչաց ընկերակցության բանակցությունների թիմի հետ, որպեսզի ապրիլի 24-ը Գլենդելի դպրոցական միացյալ շրջանի աշակերտների եւ ուսուցիչների համար հանգստյան օր լինի՝ ի հիշատակ Հայոց ցեղասպանության զոհերի: