Գիտնականները պարզել են, որ ավելորդ քաշ ունեցող աղջիկները սեքսի ժամանակ հազվադեպ են հակաբեղմնավորիչներ օգտագործում, ինչի արդյունքում ավելի հաճախ են բախվում անցանկալի հղիության խնդրին:
Հետազոտությանը ԱՄՆ-ից 18-19 տարեկան 900 աղջիկներ են մասնակցել, ինչի արդյունքում պարզվել է, որ ավելորդ քաշ ունեցող աղջիկները նախընտրում են սեքսի ժամանակ հակաբեղմնավորիչ չօգտագործել: Հետազոտության հեղինակներն առայժմ չեն կարող բացատրել նման պահվածքի հստակ պատճառները, սակայն ենթադրում են, որ դրա վրա կարող է ազդել այդպիսի աղջիկների անինքնավստահությունը եւ սեռական ակտին անպատրաստ լինելը:
Ըստ Gazeta-ի, անցանկալի հղիությունը ներկայում լուրջ խնդիր է ԱՄՆ-ի առողջապահական համակարգի համար: Վիճակագրության համաձայն, յուրաքանչյուր 4-րդ աղջիկ մինչեւ 20 տարեկանը բախվում է այդ խնդրին:
