Գիտնականները պնդում են, որ հայրերը երեխայի մտավոր զարգացման վրա դրական են ազդում դեռեւս լույս աշխարհ գալուց առաջ, եթե մշտապես հղի կնոջ կողքին են լինում:
Կենսաբանները փորձ են անցկացրել մկների մասնակցությամբ եւ պարզել. եթե հղի էգը փոքրիկին կրելիս նրա հոր մոտ է եղել եւ գտնվել է նրա ֆերոմոների ազդեցության տակ, ձագի ծնվելուց հետո նրա կաթի բաղադրությունը փոխվել է: Դրանում մի շարք ֆերմենտներ են ի հայտ եկել, որոնք պատասխանատու են գլխուղեղի բջիջների ձեւավորման եւ կազմավորման համար:
Ըստ Gazeta-ի, մկնիկների ծնվելուց հետո գիտնականները թեստ են անցկացրել՝ նպատակ ունենալով պարզել կրծողների մտավոր ունակությունների մակարդակը: Պարզվել է, որ այն մայրերի փոքրիկները, որոնք հղիության ժամանակ մշտապես հայրերի կողքին են եղել, ավելի լավ հիշողություն եւ կրթության հանդեպ հակում են ունեցել:
