Հոլիվուդյան դերասան Ջորջ Քլունին եւ նրա կինը` հայտնի փաստաբան Ամալ Քլունին ապրիլի 22–24-ը Հայաստան կժամանեն:
NEWS.am-ի տեղեկություններով՝ աստղային զույգը Հայաստան է գալու Ցեղասպանության տարելիցի միջոցառումներին մասնակցելու։
Բացի այդ, հոլիվուդյան զույգը կմասնակցի մոսկվաբնակ հայտնի գործարար Ռուբեն Վարդանյանի ջանքերով, «100 կյանք» նախաձեռնության սահմանած «Ավրորա» ամենամյա մրցանակաբաշխությանը: Մրցանակը կշնորհվի մարդկանց, որոնք իրենց վտանգում են՝ ուրիշների կյանքերը փրկելու համար:
Ավելի վաղ NEWS.am-ի հետ զրույցում «100 կյանք» նախագծի համահիմնադիր Նուբար Աֆեյանը նշել էր, որ Ջորջ Քլունիից բացի այլ հայտնի մարդկանց հետ նույնպես պատրաստ են համագործակցել, եթե նրանք էլ հոլիվուդյան դերասանի պես պայքարում են ցեղասպանությունների դեմ:
