Ամերիկյան գիտնականները սոցիալական ցանցերին նվիրված հետազոտություն են անցկացրել:
Ըստ Informing-ի, սոցցանցերի տարածվածությունն այսօր փոքր-ինչ մտահոգիչ է: Համացանցի օգտատերերը ժամեր են վատնում՝ վիրտուալ զրուցակիցների հետ շփվելու, տեղեկություններ ստանալու եւ լուսանկարներ հրապարակելու համար:
Հետազոտության ընթացքում հարցվածների 34%-ը հայտարարել է, որ սոցցանցերն իրենց օգնում են թուլանալ աշխատանքային օրվա ընթացքում, հանել լարվածությունը, մոռանալ ընթացիկ խնդիրների մասին: 27%-ն էլ հայտարարել է, որ սոցցանցերը հարազատների եւ ընկերների հետ շփվելու միջոց են:
Սակայն պարզվում է, որ ոչ բոլորն են սոցցանցերը ժամանցի համար օգտագործում: Հարցման մասնակիցների 24%-ը նշել է, որ դրանց միջոցով նրանք շփվում են գործընկերների հետ, նման ինտերնետ-ռեսուրսների միջոցով նոր մասնագիտական կապեր ձեռք բերում՝ հետագայում կարիերայում առաջընթաց ունենալու նպատակով:
