ՆախընտրելիՀաջորդ շաբաթ 2005 YU55 աստերոիդը Լուսնից էլ մոտ տարածությունից` Երկրից 300 հազ. կմ հեռավորության տարածությունից կանցնի Երկրի կողքով: Մոտ 400 մետր լայնությամբ աստերոիդը վերջին 30 տարվա ընթացքում կլինի երկրին ամենամոտ թռչող երկնաքարը, հաղորդում է inosmi.ru-ն:
«Սա անվտանգ աստերոիդ է, որը մեզ հնարավորություն է տալու ուսումնասիրելու այն»,- կարծում է Ազգային գիտական հիմնադրամի աստղագետ Թոմաս Ստատլերը: ՆԱՍԱ-ն եւ հիմնադրամը նախատեսում են ուրբաթ օրվանից հետազոտությունների շարք իրականացնել:
Հուլիսին ՆԱՍԱ-ի տիեզերական Dawn սարքը դուրս էր եկել 500 կմ լայնությամբ Վեստա աստերոիդի ուղեծիր:
Ըստ գիտնականների` 2005 YU55 չափսերին մոտ հաջորդ աստերոիդը Երկիր մոլորակի մոտով կանցնի 2028 թվականից ոչ շուտ:
