Աշխարհի վերջը, կամ մայաների օրացույցի հերթական փուլի ավարտը նշելը լուրջ վնաս է հասցրել Տիկալ ազգային պարկի ճարտարապետության մի քանի հնագույն հուշարձաններին (Գվատեմալա):
Դեկտեմբերի 21-ի գիշերը շուրջ վեց հազար զբոսաշրջիկ բարձրացել են Տիկալի Երկրորդ տաճար եւ Հարավային Ակրոպոլիս, որը հանգեցրել է աստիճանների եւ քարերի վնասմանը, հայտարարել է այգու տեխնիկական փորձագետ Օսվալդո Գոմեսը, նշելով, որ այլեւս երբեք չի հաջողվի վերականգնել դրանք այն տեսքով, ինչպիսին որ նախկինում էին:
«ՌԻԱ Նովոստին» հաղորդում է, որ տեղական իշխանությունը չի ընդդիմանում նման տոնակատարություններին, սակայն կոչ է անում հետագայում հետեւել զգուշության կանոններին: