Ազգային ժողովի պատգամավոր Գագիկ Ծառուկյանի Հայաստանում BMW-ի ներկայացուցչությունը գնելու մասին լուրերը պաշտոնապես հաստատվեցին: Ծառուկյանի մամուլի խոսնակ Իվետա Տոնոյանը NEWS.am-ի թղթակցի հետ զրույցում ասաց, որ, այո, իրոք Գագիկ Ծառուկյանը արտասահմանցի գործընկերների հետ միասին ձեռք է բերել Հայաստանում BMW-ի ներկայացուցչությունը:
«Նա ձեռք է բերել բաժնետոմսերի որոշակի մաս, ներկայացուցչության զարգացման ուղղությամբ առաջիկայում ծրագրեր են իրականացնելու, այդ մասին համապատասխան տեղեկատվություն կտրամադրվի առաջիկայում»,-ասաց Իվետա Տոնոյանը:
Նշենք, որ «Հրապարակը» գրել էր, թե Գագիկ Ծառուկյանի՝ Հայաստանում BMW-ի ներկայացուցչությունը գնելու գործարքը կայացել է օրերս: Թերթի տեղեկություններով՝ Ծառուկյանը BMW–ի ներկայացուցչությունը գնել է 4-5 մլն դոլարով: Ի դեպ, BMW-ի ներկայացուցչությունը «Եվրոմոթորս» փակ բաժնետիրական ընկերությունն է, դրա մեջ մտնում է նաև Mini-ն և Rolls Royce-ը։ Հայաստանում BMW-ի ներկայացուցչությունը պատկանում էր օֆշորային սկանդալի զոհ, գործարար Փայլակ Հայրապետյանի որդուն, ով, սակայն, հերքել էր ընկերության վաճառքի մասին լուրերը: