Նախընտրելի
Փրկարարներն այսօր՝ օգոստոսի 17-ին, կանխել են Լոռու մարզի Շահումյան գյուղի բնակիչ Գուրգեն Նալբանդյանի ինքնահրկիզման փորձը: Այս մասին NEWS.am-ի թղթակցին ասաց համայնքի ղեկավար Էդիկ Մանուկյանը:
«Հոգեկան առողջության հետ կապված խնդիրներ ունի, միայնակ է ապրում, ընտանիքից բաժանված է: Այսօր էլ ինքնասպանության փորձ է արել, փրկարարները ժամանակին հասան ու կանխեցին»,- ասաց գյուղապետը՝ նշելով որ Գուրգեն Նալբանդյանը 50-անց տղամարդ է:
Ավելի վաղ ՏԿԱԻՆ մամուլի ծառայությունը հայտնել էր, որ օգոստոսի 17-ին, ժամը 10.11-ին ահազանգ է ստացվել, որ Լոռու մարզի Շահումյան գյուղում քաղաքացին սպառնում է ինքնասպանություն գործել՝ իր վրա բենզին լցնելով եւ ինքն իրեն այրելով: Դեպքի վայր է մեկնել մեկ մարտական հաշվարկ:
