Վրացական կերուխումն ստացել է ոչ նյութական մշակույթի հուշարձանի կարգավիճակ, հայտնում է «Վրաստան օնլայնը», վկայակոչելով մշակութային ժառանգության պահպանման ազգային գործակալության համապատասխան հրամանը։
Փաստաթուղթը ուժի մեջ է մտել հրապարակումից հետո։ «Ոչ նյութական մշակութային ժառանգության կարգավիճակ տրամադրել վրացական ավանդական կերուխումի մշակույթին (կարտուլի սուպրա)»,- ասվում է հրամանի մեջ։