Սուրճ չեփելու համար համագյուղացու կնոջը բռնաբարելու եւ նրա նկատմամբ սեքսուալ բնույթի բռնի գործողություններ կատարելու գործով դատական նիստերն արդեն 3 ամսից ավելի է՝ տեղի չեն ունենում:
Անցած տարվա դեկտեմբերին Արագածոտնի մարզի ընդհանուր իրավասության դատարան գործով դեռեւս ոչ մի նիստ չի կայացել: Նիստերն ամեն անգամ տարբեր պատճառաբանություններով հետաձգվում են:
Նշենք, որ այս գործով մեղադրվող Արսենն իրեն առաջադրված մեղադրանքը չի ընդունում:
Ըստ մեղադրական եզրակացության` Արսենն անցած տարվա դեկտեմբերին մտել է մարզի գյուղերից մեկի տնակ եւ տանտիրոջ կնոջից պահանջել է սուրճ եփել: Ստանալով մերժում` Արսենը դիտավորությամբ հարվածներ է հասցրել նրան եւ բռնություն գործադրելով սեռական հարաբերություն ունեցել նրա հետ եւ սեքսուալ բնույթի բռնի գործողություններ կատարել նրա նկատմամբ:
Արսենին մեղադրանք է առաջադրվել Քրեական օրենսգրքի 138-րդ հոդվածի 2-րդ մասի 6-րդ կետով եւ 34-139-րդ հոդվածի 2-րդ մասի 6-րդ կետով: Արսենը գրավով ազատ է արձակվել: