Հայոց ցեղասպանության հերթական տարելիցին նվիրված միջոցառումներ են տեղի ունեցել ապրիլի 23-ին, Բոստոնում, Հայկական ժառանգության այգում։
Հյուրերերի շարքում էին Հայ առաքելական եկեղեցու թեմի ներկայացուցիչ, արքեպիսկոպոս Խաժակ Բարսամյանը, Միդլեսեքս շրջանի շերիֆ Փիթեր Քութուջյանն ու Հայաստանում ԱՄՆ նախկին դեսպան Ջոն Էվանսը։
Միջոցառմանը ելույթ ունենալով՝ Ջոն Էվանսը հայտարարել է, որ ամերիկացի դիվանագետները լռում են Հայոց ցեղապսանության մասին քաղաքական դրդպատճառներով։
«Այդ իրադարձություններից շատ տարիներ անց մեր կառավարությունը չի կարող իրեն ստիպել նայել մեր արխիվները եւ ընունել փաստը, որ ՆԱՏՕ-ի մեր դաշնակիցը կամ, համենայն դեպս, այդ երկրում որոշ մարդիկ հայ ժողովորդին ոչնչացնելու մտադրություն են ունեցել։ Դուք արժանի եք ճշմարտությանը, Ամերիկայի բոլոր քաղաքացիներն արժանի են ճշմարտությանը», - ասել է դիվանագետը՝ դիմելով հայերին։
«Ե՞րբ դա կավարտվի։ Մենք պետք է մեզ այդ հարցը տանք։ Եկեք այսօր խոստանանք անել հնարավոր ամեն բան, որ Ցեղասպանությունն այլեւս երբեք չլինի մարդկային գոյության մի մասը», - հայտարարել է Էվանսը։
