Գերմանիայի տարածքում մոտ 100 պոտենցիալ ահաբեկիչ կա, որոնք ենթակա են պարտադիր արտաքսման, իսկ ամենաբազմաքանակ խումբը՝ ավելի քան 30 տոկոսը, կազմում են թուրքերը, գրում է Frankfurter Allgemeine գերմանական թերթը, վկայակոչելով իր աղբյուրները գերմանական հատուկ ծառայություններում։ Եւս մոտ մեկ քառորդը կազմում են Հյուսիսային Աֆրիկայից եկածները, յուրաքանչյուր ութերորդը Ռուսաստանից է, գերազանցաբար Չեչնիայից։

Տարեսկզբից մինչեւ հիմա Գերմանիայից արտաքսել են 13 պոտենցիալ ահաբեկիչների՝ յոթը Թունիսից էին, մեկական՝ Ալժիրից, Մարոկոյից, ՆԻգերիայից, Իրաքից, Սերբիայից ու Թուրքիայից։

Ընդհանուր առմամբ Գերմանիայի ՆԳՆ-ի տվյալներով երկրում մոտ 950 պոտենցիալ ահաբեկիչ կա։ Նրանցից միայն 100-ն են ենթակա պարտադիր արտաքսման, ու դա պայմանավորված է նրանով, որ մոտ երկու երրորդը Գերմանիայի քաղաքացիներ են։