ԵՄ-ը մտադիր է Բրիտանիայի հետ համագործակցությունը շարունակել ահաբեկչության եւ կազմակերպված հանցավորության դեմ պայքարի հարցերում, անվտանգության եւ պաշտպանության ոլորտում: Այս մասին Գերմանիայի կանցլեր Անգելա Մերկելը հայտարարել է՝ դաշնային կառավարության անունից ելույթ ունենալով Բրյուսելում ընթացող Brexit-ի հարցով ԵՄ գագաթնաժողովում, փոխանցում է «ՌԻԱ Նովոստի»-ն:
«Այն ոլորտներում, որտեղ մենք շահեր ունենք, կձգտենք Մեծ Բրիտանիայի հետ համագործակցության… Դա ընդհանուր պայքարն է ահաբեկչության եւ կազմակերպված հանցավորության դեմ, անվտանգության եւ պաշտպանության ոլորտում»,- ասել է Մերկելը: