ԱՄՆ-ն պետք է զսպվածություն դրսեւորի եւ չխաղա Հյուսիսային Կորեայի առաջնորդ Կիմ Չեն Ընի օգտին, որը «ցանկանում է ոչնչացնել աշխարհը»: Այս մասին հայտարարել է Ֆիլիպինների նախագահ Ռոդրիգո Դուտերտեն:
Ըստ Reuters-ի՝ նա նշել է, որ մտադիր է զրուցել ԱՄՆ նախագահ Դոնալդ Թրամփի հետ եւ նրան կոչ անել չսադրել Հյուսիսային Կորեային, քանի որ պատերազմն աղետ կդառնա:
«Այդ մարդը (Կիմ Չեն Ընը) պարզապես ցանկանում է ոչնչացնել աշխարհը, նա երջանիկ է եւ միշտ ժպտում է: Իրականում նա ցանկանում է վերջ դնել ամեն ինչին»,- հայտարարել է Դուտերտեն:
