Լոս Անջելեսի շրջանային խորհուրդը Սպիտակ տանը կոչ է արել ճանաչել հայոց ցեղասպանությունը։
Շրջանային խորհրդի ներկայացուցիչ Քեթրին Բարգերը խորհուրդ է տվել նամակ հղել նախագահ Դոնալդ Թրամփին, հաղորդում է mynewsla.com-ը։
Նա նշել է, որ Թրամփը, ինչպես իր նախորդները, 1915 թվականի իադարձությունները չեն բնութագրել «ցեղասպանություն» բառով։
Խորհրդի եւս մեկ անդամ Հիլդա Սոլիսը հայտարարել է, որ պաշտոնյաները չպետք է «վախենան թուրքական կառավարության սպառնալիքներից», որը երկար ժամանակ հերքում է ցեղասպանության փաստը։
Խորհուրդը նաեւ կոչ է անում ԱՄՆ կոնգրեսի պատվիրակներին աջակցել Հայոց ցեղասպանությունը ճանաչող բանաձեւին, որը ներկայացրել է կոնգրեսական Ադամ Շիֆը։
Հայ համայնքի ներկայացուցիչ Փիթեր Դարաքջյանը խորհրդին հայտնել է, որ Լոս Անջելեսի 101-ամյա բնակչի մահվանից հետո, շրջանում այլեւս չկան ցեղասպանության սարսափը վերապրածներ։