Ճնշումների դեմ բողոքի ակցիային մասնակցելու համար ՌԴ մայրաքաղաք Մոսկվայի կենտրոնում մի քանի հազար մարդ է հավաքվել, հաղորդում է «Դոժդ» հեռուստաալիքը: Ըստ կազմակերպիչների` մոտ 10 հազար, ՆԳՆ-ն ավելի քիչ թվի մասին է խոսում:
Սախարովի պողոտայում տեղի ունեցող ակցիան նվիրված է Բոլոտնոյ հրապարակի իրադարձությունների հինգերորդ տարելիցին, երբ խոշոր բախումնեեր տեղի ունեցան:
Ավելի վաղ հայտնի է դարձել, որ ոստիկանները ելույթների համար նախատեսված բեմից հեռացրել են հետնամասը, որի վրա գրված էին «Բավական է Պուտինին», «Բավական է պատերազմին», «Բավական է խավարամտությանը», «Բավական է ճնշումներին», «Բավական է համբերել Քադիրովին» կարգախոսները: