Ուկրաինայի համար ԵՄ-ի անվիզա ռեժիմը ուժի մեջ կմտնի առաջիկա շաբաթներին։
ՌԻԱ Նովոստիի փոխանցմամբ, Եվրախորհրդարանի նախագահ Անտոնիո Տայանին ու ԵՄ Խորհրդում նախագահող Մալթայի ՆԳՆ ղեկավար Կարմելո Աբելան ստորագրել են փաստաթուղթ՝ ԵՄ օրենսդրությունում փոփոխություններ անելու համար՝ Ուկրաինային անվիզա ռեժիմ տրամադրելու համար։ Կիեւ հույս ունի, որ փաստաթուղթը ուժի մեջ կմտնի հունիսի 11-ից։
Վիզային ռեժիմի ազատականացման մասին ԵՄ-ի ու ՈՒկրաինայի միջեւ երկխոսությունը մեկնարկել է 2008-ին, իսկ 2010-ի նոյեմբերին ԵՄ-ն Կիեւին առաջարկել է գործողությունների ծրագիր՝ անվիզա ռեժիմ ստանալու համար։ Ուկրաինայի խորհրդարանը ընդունել է բոլոր պահանջվող օրինագծերը ու ԵՀ-ն 2015-ի դեկտեմբերին հաստատել է Կիեւի կողմից բոլոր պայմանների կատարումը։
Սակայն անվիզա ռեժիմի տրամադրումը հետո երկու տարով ձգձգվել է, քանի որ ԵՄ-ն համաձայնեցնում էր երրորդ երկրների հետ անվիզա ռեժիմի դադարեցման մեխանիզմը՝ Եվրոպայում միգրացիոն ճգնաժամի կապակցությամբ։
Ուկրաինայի համար վիզաները չեղարկելու ԵԽ քվեարկությունը կայացել է 2017-ի ապրիլի 6-ին։ ԵՄ Խորհուրդը մայիսի 11-ին ընդունել է համապատասխան որոշում։