Իրանի ներքին գործերի նախարարությունը երկու ժամով երկարաձգել է քվերակությունը մայիսի 19 –ին տեղի ունեցող երկրի նախագահական ընտրություններում: Այս մասին հաղորդում է «ՌԻԱ Նովոստի»-ն` վկայակոչելով ՆԳՆ հաղորդագրությունը:
Իշխանություններն ավելի վաղ նշել էին ընտրություններում ընտրողների բարձր ներկայությունը` չբացառելով քվերակության ժամանակի երկարաձգումը: Իրանի ներքին գործերի նախարար Աբդոլռեզա Ռահմանի Ֆազլին նշել է, որ կարելի է քվեարկության ժամանակը երկարաձգել առավելագույնը մինչեւ կեսգիշեր: «ՆԳՆ ղեկավարը հաջողությամբ երկարաձգել է նախագահական ընտրություններում ձայներ ընդունելու ժամանակը երկու ժամով` այսինքն` մինչեւ 20.00-ն»,,-ասվում է նախարարության հաղորդագրությունում:
Իրանում նախագահի թեկնածուները չորսն են` գործող նախագահ Հասան Ռոհանին, այաթոլլահ Իբրահիմ Ռայիսին, նախկին փոխնախագահ Մոստաֆա Հաշեմի-Թաբան եւ պահպանողականների թեկնածու Մոստաֆա Աղա-Մարիսլամը:
