News
Լրահոս
News
Երեքշաբթի
Հուլիս 25
Տեսնել լրահոսը

Թեքսասի ներկայացուցիչների պալատը միաձայն ընդունել է Հայոց ցեղասպանության ճանաչման մասին բանաձեւը, հայտնում է  Asbarez-ը։ Այսպիսով Թեքսասը դարձավ ԱՄՆ 46-րդ նահանգը, որը պաշտոնապես ճանաչել է Հայոց ցեղասպանությունը։  

Ավելի վաղ, 2015-ին, Թեքսասում մերժվել էին մի շարք հակահայկական բանաձեւեր, նաեւ ընդունվել էր հայտարարություն նահանգի այն բնակիչների ավանդի ճանաչման մասին, որոնք աջակցել են Մերձավոր արեւելքի օգնության կոմիտեին, որն օգնում էր Օսմանյան կայսրությունում տուժած արաբներին, ասորիներին, հույներին, արամեցիներին, նաեւ փրկել էր 132 հազար հայ որբերի։

Բանաձեւը համատեղ կազմել էին երկու կուսակցություններից նահանգի ավելի քան 50 կոնգրեսականներ։ Տեքստում ասվում է, որ Առաջին համաշխարհային պատերազմի ժամանակ Օսմանյան կայսրությունը սկսել է սիստեմատիկ ոչնչացնել հայ բնակչությունը, որը այն ժամանակ կայսրության սահմաններում ավելի քան 2 միլիոն էր կազմում։ Զոհվել է 1․5 միլիոն հայ։ Այսօր Հայաստանում ապրում է ընդամենը մոտ 3 մլն հայ, իսկ Հայաստանի ներկա տարածքը հայերի պատմական հայրենիքի 10 տոկոսից էլ քիչ է կազմում։ Իսկ հայկական սփյուռքը կազմում է 8-10 մլն մարդ, աշխարհի տարբեր երկրներում, այդ թվում ԱՄՆ-ում։

Ավելի վաղ, 2017-ի ապրիլին, Վայոմինգի նահանգապետ Մեթյու Միդը ճանաչել էր Հայոց ցեղասպանությունը (բայց նահանգի օրենսդիր ժողովը դեռ չի ընդունել բանաձեւը)։ Այսպիսով Հայոց ցեղասպանության ճանաչման մասին փաստաթղթեր դեռ չեն ընդունել Վայոմինգ, Այովա, Ինդիանա, Ալաբամա ու Միսիսիպի նահանգների օրենսդիրները։

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Թուրքիայի մեջլիսի հանձնաժողովն ընդունել է «ցեղասպանություն» բառն արգելող ներքին կանոնակարգի փոփոխությունը
Համատեքստում «ցեղասպանություն» եւ «Քուրդիստան» բառերը կարող են պատժի պատճառ դառնալ․․․
Քալիֆորնիայում Հայոց ցեղասպանության զոհերի հուշահամալիրը մատնանշող ցուցանակ կտեղադրեն
Հայոց ցեղասպանության զոհերի հուշահամալիրը բացվել է 2015 թվականի ապրիլին Փասադենայում...
«Ցեղասպանություն» եզրն արգելող առաջարկը քննարկման է դրվել Թուրքիայի մեջլիսի հանձնաժողովում
Պատգամավորների համաձայնությամբ պատգամավորների վարքի, նրանց արտաքին տեսքի եւ նիստերի կանոնակարգերի հետ կապված փոփոխությունների 18 կետանոց փաթեթն ուղարկվելու է...
Ցեղասպանությունը պետք է քննարկվի ոչ թե օտար երկրների, այլ հենց Թուրքիայի խորհրդարանում. Փայլան
Այն հանցանքները, որ տեղի են ունեցել Թուրքիայում, դրանց մասին պետք է խոսվի եւ պետք է խոսվի հենց խորհրդարանում...
Անցյալի հանցանքներն այսօր կրկնվում են, քանի որ շարունակում ենք նույն սխալները անել. Փայլան
Պատմության հետ չառերեսվելու դեպքում՝ դրանք կրկնվելու են, եւ թուրք ինքնության ճակատին մնալու են սեւ բիծ...
Շվեդ պատգամավորը` Էրդողանի դեմ հայցի մասին. Թուրքիային չի հաջողվել անցյալից դասեր քաղել
Պատգամավորները Թուրքիայի նախագահին մեղադրում են ցեղասպանության, մարդկության դեմ հանցագործությունների մեջ...
Ամենաշատ
Partner news